La Réjhiun Poetou-Chérentes aménajhe ine novéle cuncourerie : Émajhes é tésces en poetevin-séntunjhaes pi en oucitan, pr lés draules, lés jhénes… pi lés àutres étou. (La Région Poitou-Charentes organise un nouveau concours : Images et textes en poitevinsaintongeais ou en occitan, pour les enfants et les jeunes… mais aussi pour les autres.)
Quésciuns-répunses
La Riorte dau parlanjhe at lu pi relu le régllement de çhéte novéle cuncourerie é i tachun moéyén de répounàe aus quésciuns que ve pevéz vous pousàe :
Trtouts pevant-éll étre de part den den çhéte cuncourerie ?
Oéll : Çhés de moen de 25 ans pevant étre candidats tout seùls oube avéc d’àutres de mae oube de moen de 25 ans é le pevant maeme trtouts étre candidats den lés 5 éstaméles… é çhés de mae de 25 ans pevant étre candidats étou, mé rén qu’avéc yin de moen de 25 ans.
I sé pa de rimajhàe. Quement faere ?
Le régllement dit qu’o pet se présentàe daus tésces ac daus fotos, daus colajhes, daus tésces en caligrame (ex : ine istoere de chapea écrite su daus lignes en fourme de chapea, etc.)… E pi en prnant in parçounàe çhi sét de rimajhàe, o marche !
In prof daus écoles pet éll ou faere avéc ine cllasse oube pet o se faere den le tenp périscolaere? Quement se faere aedàe ?
In prof daus écoles pet étre de part avéc ine cllasse é o pet se faere den le tenp périscolaere. Pr se faere aedàe écrivéz a parlanjhevivant@wanadoo.fr, çhi vérat qui perét vous aedàe, de vér ché vous.
In cunséll : liséz vite çhau régllement, pi vous ou cunprendréz tout vous tou.
No Comments
Leave a comment Cancel