Bunjhour lés mundes.
In petit cunte de nun-sens coume disiant lés éspécialisces, trovai den le rolea le Pays Poitevin de 1899 (oubé : daus manéres de cunte qu’aneùt lés éspécialisces noumant burlésque).
Çhau cunte se disét den le tenp devant la cheminàie, le soer durant la vellàie pr amusàe lés draules é lés pu grands.
O y at proumésse de mariajhe entr Jhan é Cateline.
A Cateline, un at dounai bun é valable, cénc lénçàus de barbe de lin, o fàut en petaçàe quatre pr en avoer yin, é core, o réchterat çheùques creùs.
Ine couvérte avéc troes cent céncante péces aus quatre coéns.
Ine petite mésun basse, hàute de touts coutai, pasque o y at pa de muralle.
Ine beque (ine chebre), courte coue, lungue barbe, troes petits beçhuns, o fàut lés métre au chanp tard, é lés métre tout au tét, de pour que le souléll lléu féjhe màu aus cors (cornes).
In batun ferai pr aviràe le louc. Si le louc menjhe la beque, portàe lés cors a la Grande Roche.
Çhau cuntrat at étai passai le trente sét d’octoubre a vént troes eùres passai midi avéc quatre témouins, deùs sourdàuds, in mude (muét), in aveùglle.
Bé, si vous étes bé sajhes, ol en arat ine àutre foes..
A béntout.
JS, mar 2015, dit den le posce le 8 de jhén 2015
La Minute parlanjhe : dau léndi au vendrdi su RCF-Poitou a 11 eùres 30