Parlanjhes en fàete a Thorigné (79), lés 22 é 23 de fouvràe 2019

La unziaeme édiciun de la jhornàie dau parlanjhe matrnàu en Poetou-Chérentes-Vendàie (« Journée Internationale de la Langue Maternelle », sou le patrounajhe de l’Unesco) se téndrat le 23 de fouvràe a Thorigné (79), de 10 eùres dau matin a 5 eùres dau sér, a la sale daus fàetes « Espace Marcel Moreau ».

Queme a l’acoutumàie, o serat le moument de rencuntràe, d’entendre pi de causàe avéc daus parçouneries (lés organisateùrs pi bé d’àutres : la Sefco, l’Institut d’études occitanes de la Vienne…), daus autours, daus chantours, daus disours, daus tiatrous…

Au prougrame : Francine Besson, Michel Cardineau, Dany de Cornulier, Ulysse Dubois, Pierre Dumousseau, Michel Gautier, Les Pibolous, Los Bonobos (Pierre Chevrier), Jean-Paul Quintard, Bernard Rambert, Mathieu Touzot, les ateliers de parlanjhe de Vouillé (79) et de Poitiers, pi l’atelier d’occitan de Poitiers.

Pi de quàe de novea çhéte annàie : daus atelàes pr lés draules é lés famelles den la réciàie (in atelàe cuntes é in atelàe cuntines/bricolajhes).

Ol ét ouvért a trtouts é o coute rén pi ol ét coulai den Parlanjhes en fàete, prmàe ébat daus 50 ans de l’UPCP-Métive, çhi fàete sen anivrsaere tot au long de l’annàie 2019. Parlanjhes en fàete, o quemencerat le vendrdi 22 de fouvràe au sér. Vela le prougrame :

Vendrdi 22 de fouvràe a 8 eùres dau sér, a la sale daus fàetes de Thorigné :

• ouvrture daus 50 ans de l’UPCP-Métive pi seràie « La langue, source d’expression contemporaine » avéc :
• çheùques liries pr Michèle Bouhet é Jean-Jacques Chevrier de tésces dau tot fràe projhét « Paroles de villages » menai pr la cuntouse Michèle Bouhet pi le cuntour Herri Hitzak en Poitou é au Paes Basque
• Deux tésces de Jules Fortuné cuntais pr Badegoule
• I vinré te di de Francis Lebarbier é Patrice Massé, in véyajhe en pouésie poetevine : tote la richéce é l’énventivetai dau parlanjhe a trac daus tésces pouétiques d’aneùt pi de d’àutrefés

Pi d’àutres sourprises.

Samedi 23 de fouvràe apràe la JILM, en fin de réciàie : causerie su la passance pr lés médias dau parlanjhe animàie pr Michel Gautier ac daus difusiuns de vidéos en parlanjhe é su le parlanjhe (Parlanjhe a l’école de M. Gautier, Den la bàie daus Pictons d’Annick Barré pi lés émissiuns Kétokolé de Yannick Jaulin).

Événement organisé par l’UPCP-Métive en partenariat avec Parlanjhe vivant.

Renseignement/réservations : UPCP-Métive (Parthenay), 05 49 94 90 70, accueil@metive.org, www.metive.org

Prougrame.