Au mitan daus annàies 1980, ol oghit ine émissiun tot en parlanjhe su FR3 réjhiounal. Pr çhés-la çhi s’en remenbrant, çhéle émissiun se noumét Parlanjhe é fését éntrvenir béréde de munde d’içhaulun.
Aneùt, ol ét Yannick Jaulin çhi prpouse daus afaeres en poetevin-séntunjhaes su le novea chenàu de télévisiun France 3 Novéle Aguiéne, .3 NoA. O serat daus petites vidéos dounant daus ésplliques en parlanjhe su n-in mot poetevin-séntunjhaes. Ol ét moén lun que lés émissiuns Parlanjhe daus annàies 1980, mé ol at le mérite de remétre dau parlanjhe a la télévisiun é que le séjhe in petit de mae veyablle.