L’ébopin, abopin ou boessun-bllan pousse den toutes lés palisses de la réjhiun. Ol ét in arbuste bén épinous avéc daus béles petites felles ciselàies. L’ébopin se remarque surtout a la prime quant le flleùrit. Sés trochelàies de flleùrs bllanches é roses au çheùr sant si béles qu’ol ét fét daus bouçhéts pr lés mariàies. Un disét qu’o portét bouneùr. O sent si bun que lés abelles en fasant in miàu de prmére. I trouvun daus pllans d’ébopin den lés palisses é o sért a entàe toutes sortes d’abres frutajhàes. Ol ét in porte-gréfe univrsàu. A l’autoune, sés fruts, lés cenéles, fasant daus béles troches roujhes que lés oseas picotant tout l’ivér en prmenant les nàes prtout. O y at prtant pa grand chouse a grgnotàe su ine cenéle. Ol étét dit a daus fés « i menjherun daus cenéles ». O velét dire qu’ol avét pa ghére a menjhàe.
Le nom des arbres en parlanjhe.
Catalogue réalisé à l’occasion des journées Vivre et faire vivre la langue régionale les 5-6 octobre 2013 à Melle.
