Le vara, core apelai gara ou boes carai ou bounét d’évaeque… ét in petit boessun qu’ol ét pa aesi de vere de lés palisses. Sés branches avant ine forme caràie é a sant vértes. Sés flleùrs sans si segrétes é sés feùlles si fines qu’un le vet pa. Prtant quant arive l’autoune l’ét abrjhai d’ine trochéte de fruts d’ine couleùr é d’ine forme bén éspéciales : quatre petites coquelles rose vif s’uvrant su quatre petites granes oranjhe çhi sant vrae béles.
Ol ét pr lou forme que l’ét apelai bounét d’évaeque. Un vet pu que li den la palisse pasque l’ét pa avare de fruts é ol écllérzit lés branches queme daus chandéles de Nàu. Mé o fàut saver, é o dire bén aus draules que çhés jholis fruts sans poesuns. Maugrai tout quant qu’ol ét brulai é que le charboune, o doune lés créyuns pr faere daus mirolures, daus déssins : « daus fusins ».
Le nom des arbres en parlanjhe.
Catalogue réalisé à l’occasion des journées Vivre et faire vivre la langue régionale les 5-6 octobre 2013 à Melle.
