Le nousellàe ét in arbuste çhi pousse prtout. I pevun le trouvàe a l’état sauvajhe den lés palisses é l’ét cultivai den lés jhardrins. Un le requeneùt en févràe a sés chatuns çhi jhaunissant ét laechant s’évolàe lou polén au vent. Lés feùlles poussant pu tard, assé larjhes, rundes, avéc jhusce ine petite poénte au bout. Le dessu ét dou queme dau dumét. Bén capàies sou lés feùlles lés nouselles grandzissant den lou petit nic de vérdure. Quant a sant meùres, a se détachant de lous nics. Ol ét l’eùre de lés ramassàe avant que lés éçhurous, lés lirots é d’àutres baeteas lés atacant. Ve pevéz lés menjhàe su pllace en cassant la caquiote entr deùs péres ou bé lés gardàe pr pu tard : ol ét bun a toutes lés sésuns. Essayéz dun ine grimole avéc daus nouselles pilàies…
Le boes dau nousellàe sért li-tou. Lés bréns de l’annàie, lisses é vérts sant souplles, la pea s’écale bén : o s’en fét daus subllots. É le se fend en écllisses pr penassàe fin.
Le nom des arbres en parlanjhe.
Catalogue réalisé à l’occasion des journées Vivre et faire vivre la langue régionale les 5-6 octobre 2013 à Melle.