L’ajhér, ajhar ou érablle ét dasard
l’abre le pu coumùn de nos palisses. Sés petites feùlles décopàies boutant a la prime en dounant ine couleùr rose a la palisse. Pi en étai le se térnit d’in vért passe-prtout au poént qu’i le remarcun pa. Prtant ol ét li çhi tént souventefoes la palisse bén dréte pasque sun pilét ét solide é pousse bén drét. Su sés branches rénnàies, ol at dau lléjhe.
A l’autoune, le prend sa revanche en s’abellant d’in jhàune souléll qu’ol ét ine marvélle. I veyun pu que lés ajhérs le lun daus chemins. Lés flleùrs se veyant a paene. Lés granes avant deùs petites ales çhi fasant le bouneùr daus draules : quant al avant sechai, te lés téns pr la couéte en la virounant entr le pouse é le loridét é, prchai su ine muralle, te laeches cheùre çhét élicoptére. La nature doune l’oucasiun de béles éspériences.
Le nom des arbres en parlanjhe. Catalogue réalisé à l’occasion des journées Vivre et faire vivre la langue régionale les 5-6 octobre 2013 à Melle.
