Dépeù 1997 daus disaenes de grands élèves alant au cours de parlanjhe de Vouillé, pa lén de Niort : Ginette Bouffard o quemencit, en maeme tenp qu’a fesét dau tiatre en parlanjhe, Maryvonne Barillot o cuntinue, pr causàe, lire, écrire pi queneùtre çheù qui se fét en parlanjhe. Den le rolea que le fasirant çhés deréres annàies, ve trveréz daus disaenes de tésces que l’écrivirant, pr zeùs, pr daus fàetes, daus cuncoureries…
Odile Martin, de çhél atelàe, ayit le prmàe pris de la derére cuncourerie, Images et textes en poitevin-saintongeais ou en occitan/Emajhes é tésces en poetevin-séntunjhaes oube en oucitan, fét pr le Groupe de travail Langues régionales de l’ex-Région Poitou-Charentes, ac sés petites felles, Sarah pi Chloé Chansault, pr le tésce é la rimajhure « Ine prdric çhi chrchét daus amis » é bé d’àutres dau cours de Vouillé sirant de part den lés cuncoureries, dépeù ine dosaene d’annàies.
E le velant cuntinuàe a faere passàe le parlanjhe pu lén que l’atelàe, pr daus pu jhénes pi daus moen jhénes.
Çhau cours-atelàe de parlanjhe ét pr trtouts, çhés la qui velant aprenre le parlanjhe pi çhés la qui queneùssant daus mots pi qui velant s’en sérvi. Ol ét fét pr l’Association Socioculturelle de Vouillé-79.
Pr proufitàe de çhau cours : 05 49 05 93 00 obe 05 49 75 68 57 – parlanjhevivant@wanadoo.fr
Recueil de textes en poitevin écrits par les élèves du cours de parlanjhe de Vouillé (79).
No Comments
Leave a comment Cancel