Lés parlanjhes réjhiounàus étiant a l’ounour a Parthenay le 24 pi le 25 de fouvràe darnàes avéc Parlanjhes en fàete : deùs jhornàies éspéciaument sou le segne daus parlanjhes matrnàus/réjhiounàus çhi maelirant jhouries de prouféssiounàus (Yannick Jaulin, Francis Le barbier pi Patrice Massé en parlanjhe, la collectif ça-i en ouccitan) pi d’amatours den le cadre de la 10aeme édiciun de la Journée internationale de la langue maternelle.
Core çhéte annàie pr la Jilm, daus disaenes de participants dau Poetou-Chérentes-Vendàie avant causai, cuntai, chantai, lisu, musicai… en parlanjhe poetevin-séntunjhaes é pi en oucitan. Ol avét bé dau munde pr lés écoutàe é lés vere pi causàe avec zeùs.
[metaslider id= »1937″]
Le dimenche au matin, ine rencuntre autour de la passance daus parlanjhes réjhiounàus at agrouai ine véntaene de mundes pr causàe daus afaeres a menàe den lés médias avéc daus émissiuns en parlanjhes réjhiounàus a la télévisiun é su la téle, ou bedun a l’écoule avéc daus formaciuns a apuntàe. O chaume pr netre parlanjhe !
Marci a tots çhés de Parlanjhe vivant, de l’UPCP-Métive é dau Nombril du monde, a trtouts qui vénghirant causàe leù parlanjhe obe présentàe daus roleas é au publlic.
Retrovéz lés tésces de la 10e Jhornàie éntrnaciounale dau parlanjhe matrnàus é i ve disun a l’annàie prchéne pr la 11aeme édiciun !
No Comments
Leave a comment Cancel