L’épine négre, épine nére ou prunelàe ét le boessun le pu prime a flléuri. Lés abelles s’y trunpant pa, a sant la ! Den lés palisses le se repére a sés flleùrs. L’ét queme sun num o dit : pllén d’épines chétives. Quant i veyun lés flleùrs, ol ét le moument de préparàe sés bonbones pr le vin d’épine : désque lés flleùrs arant passai, lés feùlles partirant a poussàe é o fedrat alàe lés ramassàe é lés métre den la goute.
Çhél apéritif bé queneùssu içhaulun ét renoumai autant queme le pinot daus Chérentes. Avéc sés fruts, petites boules rundes blleùes violaçàies, ol ét poussiblle de faere, en atenant qu’a séjhant meùres, ine liqueùr de prunéles, le pruniou. O n’en at çhi fasant daus cunfitures, le tenp lou dure pa ! Lés flleùrs ramassàies a la prime é sechàies fasant daus tisanes pr lés maus de tàetes.
Le nom des arbres en parlanjhe.
Catalogue réalisé à l’occasion des journées Vivre et faire vivre la langue régionale les 5 et 6 octobre 2013 à Melle.