Le vargne ou vérgne segue lés rivéres é lés russeas. L’at besén d’aeve pr grandzi jhusqu’a 30 métres de hàut. Un le requeneùt a sés feùlles casiment rundes é lusantes. A la prime, lés branches sant poessouses aus brjhuns. Avant l’ivar, le garde sés feùlles vartes jhusqu’au deràe moument é quant a cheùsant, daus milàes de petits fruts en bines ciselàies réchtant au bout daus bréndelles queme daus décoraciuns de Nàu. Dés novenbre, daus chatuns jhàunes pendillant, le s’élunjhant den l’ivar pr flleùri a la prime. Le vargne tént bén lés bérjhes daus russeas. Sun boes rojhe quant un le cope fét dire aus mundes que le segne. Prtant, lés buchallours le rechrchant pasqu’ol ét in dau mellour boes pr le feù : le fume casiment pa, le fét dau bun charbun… Ol ét in boes inporissablle : le servét a faere lés bots é lés outis pr l’aeve.
Le nom des arbres en parlanjhe.
Catalogue réalisé à l’occasion des journées Vivre et faire vivre la langue régionale les 5-6 octobre 2013 à Melle.