Lés poumàes poussant den lés vrjhàes de nos jhours ; le sant cultivais entais é o n-en at daus miles d’éspéces. Lous feùlles sant de forme ovale, in poe térnes, avéc daus fines dents. Lés poumes sant bounes a crocàe crus, o n-en at daus acides, d’àutres pu douces ; a sant bounes çheùtes atou, en cunpote, en cunfiture, en léghumes, en tartes… assayàe dun la tarte tatin…
Lés pépins çhi sant au mitan de la poume sant lés granes daus futurs poumàes. Ol ét disant que la mélloure manére de vivàe vieù ol ét de menjhàe ine poume touts lés jhours. Le jhut de poume se mét en cunsérve é ol ét sén é bun. O pet se faere dau jhut pétillant, dau citre, dau calva avéc modéraciun. Lés flleùrs sant bllanches nuançàies de roses é ine poumeràie en flleùr ét in rigal pr lés élls. Pr qu’ine flleùr doune ine poume, fàut qu’a séjhe fécundàie pr lés abelles ou le vent ; ol at de l’ouvrajhe pr lés abelles, i pevun pa nous passàe de zéles.
Le nom des arbres en parlanjhe.
Catalogue réalisé à l’occasion des journées Vivre et faire vivre la langue régionale les 5-6 octobre 2013 à Melle.
