Çhéte annàie, pr la disiaeme édiciun de la jhornàie dau parlanjhe matrnàu (« Journée Internationale de la Langue Maternelle », sou le patrounajhe de l’Unesco), i veyun lés chouses en grand ac l’UPCP-Métive pi le Nombril du Monde : ol ét pa ine jhornàie su le parlanjhe mé deùs jhornàies pi ine seràie qui serant prpousàies !
La Jhornàie dau parlanjhe matrnàu, atornàie pr Parlanjhe Vivant pi l’UPCP-Métive, se téndrat le 24 de fouvràe a Parthenay (au palais des congrès) de 10 eùres dau matin a 6 eùres dau sér. Ol ét ouvért a trtouts, sen peyàe.
Queme a l’acoutumàie, au prougrame : daus chançuns, daus cuntes, daus istoeres, de la musique, daus pouèmes, daus sketchs, daus criaciuns, daus roleas, daus CD, DVD… avéc ine véntaene d’énvitais en parlanjhe poetevin-séntunjhaes pi en oucitan.
Le sér dau 24, apràe la JILM, deùs jhouries sant prougramàies au palais des congrès.
A 6 eùres dau sér, Francis Lebarbier é Patrice Massé prpouse in véyajhe en pouésie poetevine avéc I vinré te di : tote la richéce é l’énventivetai dau parlanjhe a trac daus tésces pouétiques d’aneùt pi de d’àutrefés.
A 8 eùres é demi dau sér, Yannick Jaulin serat en duo ac Alain Larribet, musicour béarnaes, pr l’éspéctaclle Ma langue maternelle va mourir et j’ai du mal à vous parler d’amour : in quésciounement su le parlanjhe matrnàu, l’identetai, pi la passance de tot çheù.
Le 25 de fouvràe, au matin a 10 eùres é demi, ol arat ine causerie/tablle runde su la passance daus parlanjhes réjhiounàus, ac daus ésplliques su la situaciun daus àutres parlanjhes d’oïl. Den la réciàie a 4 eùres, Yves Durand, Coline Hateau pi Thomas Baudoin jhouerant Jan de l’ors, cunte musicous pr tote la famelle en françaes é en occitan.
Certains spectacles sont payants. Renseignement/réservations : UPCP-Métive (Parthenay), 05 49 94 90 70, accueil@metive.org
No Comments
Leave a comment Cancel