Joël Simonnet, çhi défintit en jhullét 2017, menit entre Pllaene é Gatine pi de vér Magné (79) tote ine acciun autour dau parlanjhe é de la çhulture populaere, avéc La Marchandelle, avéc lés pouémes de Dos jhens in minde (Arantéle, 1988) pi bé d’àutres. L’annàie derére, in rolea-CD avéc 19 tésces de Joël Simonnet mis en musique at paru.
Le tésce Entr pllane é gatine sit chantai é musiquai a la Journée internationale de la langue maternelle de Champagné-Saint-Hilaire pr Françoise Allard, Alain Texier pi Daniel Bonneau.
Entr pllane é gatine
I sun venus te dire
ùn péyis voure sant piquàies naus racines,
péyis qu’i noumun Entr pllaene é gatine.
Entend’lés pàeres den le courant
te cuntàe yér.
Péyis voure qu’o coule daus russeas,
péyis fét de valàies é de couteas.
Écoute chantàe la rivére.
Entend lés pàeres den le courant
te cuntàe yér.
I sun venus te dire
ùn péyis abitai de lavours,
mé aneùt sen le brut dau batour.
Su le chemin, pu de Jhane, de Marie,
de Madeléne.
A chante toute seùle, la funtàene.
A la sésun flleùrissant core
violétes et poénchàus
au bord dau foussai çhi a la rivére s’é vat.