Grand marci a Shaxul pr nous avoer passai çhau tésce que l’at grafegnai pr Manzer, grouàie de « black metal » çhi chante en parlanjhe. Çhéle chançun ét su ine cunpilaciun, ac dose grouàies de la réjhiun, çhi se noume « Pictavian Assault ».
Le bousin nous at pris
Apràe ine jhourie.
Ol étét in sér d’ivar,
Ine buvéte a Partenàe,
Tote menjhaie de mundes bijhars,
Daus fasours d’enbaras.
Ėcartais en Gatine,
Ine neùt épourablle,
Ėcartais en Gatine,
Aburéngue dau diablle.
L’alcol enfolatrissét,
O lés fasét dotàe,
Brolle au péyis daus fadéts,
De quàe étre carvirai.
Ėcartais en Gatine,
Ine neùt épourablle,
Ėcartais en Gatine,
Aburéngue dau diablle.
L’arbe-a-la-détorne ét patuchaie…
S’époufant a trac çhau cara, malement arouchais,
Den in véyajhe bari-bara, baraeme évellai.
Pancardes afuraies pi chiruns, palisses bedun chagnes,
Ol at pa de définiciun, truchant en canpagne.
Baulant coume daus garaches,
Vrdace a virevache.
Ėcartais en Gatine,
La mique jhusqu’au cou,
Ėcartais en Gatine,
A revoer, bourallous !
Si ve veléz écoutàe la musique çhi vat avéc (vrsiun black metal), ve pevéz acachéz su le lian : https://legionofdeathrecords.bandcamp.com/track/manzer-cartais-en-gatine.